മുത്തുമണി എവിടെയാണ്? പ്രിയതാരം മുത്തുമണിയുടെ വിശേഷങ്ങൾ അറിയാം.

 

പി.ആർ.സുമേരൻ

മുത്തുമണിയോ? ആരേലും പെൺപിള്ളേർക്കിടുന്ന പേരാണോയിത്? എന്റെ പേരിനെപ്പറ്റി ആളുകൾ ഇങ്ങനെ പല കമന്റുകളും പറയാറുണ്ട്. സിനിമയിലെത്തിയതോടെ എന്റെ പേരു മാത്രമല്ല ശബ്ദവും നോട്ടപ്പുള്ളിയായി. ഇതെന്താദ് ആണുങ്ങളുടെ ശബ്ദം!...സത്യമാ എന്റെ ശബ്ദത്തിന് അല്പം പ്രത്യേകതയുണ്ട്. പണ്ട് അച്ഛന് ഫോൺ വരു​മ്പോൾ ഞാനാണ് അറ്റന്റ് ചെയ്യു​ന്ന​തെ​ങ്കിൽ അവർ അച്ഛ​നാ​ണെന്ന് കരുതി സംസാ​രി​ക്കാ​റു​ണ്ട്.

എന്താ​യാലും ഈ ശബ്ദം തന്നെ​യാണ് എന്നെ ഇവി​ടെ​വരെ എത്തി​ച്ച​ത്. എന്റെ ഈ വെറൈറ്റി പേര് കേട്ടാൽ ആരും എന്നെ ഒന്ന് ശ്രദ്ധിക്കില്ലേ...? ദതാണ്...അതിന്റെയൊരു ടെക്നിക്. നിങ്ങളെന്നെ ആദ്യമായി കണ്ടത് രസതന്ത്രത്തിലല്ലേ? അത് തന്നെയാണ് എന്റെ ആദ്യസിനിമ.ആ സൗഭാഗ്യം എങ്ങനെ എന്നെത്തേടിയെത്തിയെന്നറിയണ്ടേ.? എറ​ണാ​കുളത്ത് നിയ​മ​സർവ​ക​ലാ​ശാ​ല​യിൽ (നു​വാൾസ്) എൽ എൽ.​ബിക്ക് പഠി​ക്കുന്ന കാലം.അന്ന് മനസിൽ സിനിമാ സ്വപ്നമൊന്നുമില്ല. കലാപരിപാടികൾക്കൊക്കെ മുന്നിലുണ്ടെങ്കിലും പഠനത്തിന് തന്നെയായിരുന്നു ആദ്യ പരിഗണന.

അക്കാ​ലത്ത് ഞാൻ അഭി​ന​യിച്ച ഒരു നാട​കം കണ്ടി​ട്ടാണ് സത്യൻ അന്തിക്കാട് സാർ രസ​ത​ന്ത്ര​ത്തി​ലേക്ക് വിളി​ച്ച​ത്. അതോടെ സൂപ്പർതാരങ്ങൾക്കൊപ്പം അഭിനയിക്കാനുള്ള അവസരം എന്നെ തേടിയെത്തി. എനിക്കല്പം അഭിനയ പാരമ്പര്യമൊക്കെയുണ്ട് . കോളേജിൽ പഠിക്കുന്ന കാലത്ത് ധാരാളം തിയേ​റ്റർ നാട​ക​ങ്ങ​ളിൽ അഭി​ന​യി​ക്കു​മാ​യി​രു​ന്നു.​ മ​ല​യാ​ള​ത്തിന് പുറമെ മറ്റുഭാഷ​ക​ളി​ലു​ളള നാട​ക​ങ്ങ​ളിലും ഞാൻ അഭി​ന​യി​ച്ചിട്ടുണ്ട്.​കൊച്ചി​യിലെ ചന്ദ്ര​ദാ​സൻ സാറിന്റെ 'ലോക​ധർമ്മി​​'യുടെ ഒരു​പാട് നാട​ക​ങ്ങളിൽ ഞാൻ അഭി​ന​യി​ച്ചി​ട്ടു​ണ്ട്.

ലോക​ധർമ്മി​യിൽ എന്റെ​യൊപ്പം നാട​കത്തിലുണ്ടായിരുന്നയാളാണ് വിനയ് ഫോർട്ട്. ഞങ്ങ​ളെ​ല്ലാ​വരും കൂടി ഡൽഹി​യിലും ഹൈദ​രാ​ബാ​ദി​ലു​മൊക്കെ നാടകം കളി​ക്കാൻ പോയി​ട്ടു​ണ്ട്. നാലാം ക്ലാസ്സിൽ പഠി​ക്കുമ്പോഴാണ് നാടകത്തിൽ ആദ്യം അഭിനയിക്കുന്നത്. എറ​ണാ​കുളം സെന്റ് മേരീ​സി​ലാണ് ഞാൻ പഠി​ച്ചി​രു​ന്ന​ത്. അവി​ടുത്തെ എന്റെ അദ്ധ്യാ​പ​ക​രാ​ണ് നാട​ക​ത്തി​ലേക്ക് വരാൻ പ്രേരി​പ്പി​ച്ച​ത്. പിന്നെ പിന്നെ സ്കൂൾ യൂത്ത്ഫെസ്റ്റിവലുകളിൽ എന്റെ നാടകം പതിവായി. അച്ഛനും അമ്മയും എല്ലാ കാര്യങ്ങളിലും എനിക്കൊപ്പം നിന്നു. അദ്ധ്യാ​പ​ക​രാ​യി​രുന്നു രണ്ടുപേരും . അച്ഛൻ സോമ​സു​ന്ദരം നല്ല​യൊരു കലാ​സ്വാ​ദ​കനും നാട​ക​പ്രേ​മി​യു​മാ​യി​രു​ന്നു. അച്ഛന് എറ​ണാ​കു​ളത്ത് സയൻസ് അക്കാ​ഡമി എന്നൊരു വിദ്യാ​ഭ്യാസ സ്ഥാപനം ഉണ്ടാ​യി​രു​ന്നു. അമ്മ​യും അതു​പോലെ തന്നെ നാട​ക​ങ്ങ​ളോടും കലാ​രം​ഗ​ത്തോടും താത്പ​ര്യ​മു​ള്ള​യാ​ളാ​ണ്.

അമ്മ കുട്ടി​ക​ളുടെ നാട​ക​ങ്ങൾ ധാരാളം എഴു​തി​യി​ട്ടു​ണ്ട്. ചില നാട​ക​ങ്ങൾ വിവർത്ത​നവും ചെയ്തി​ട്ടു​ണ്ട്. വീട്ടിൽ അച്ഛനും അമ്മയും സുഹൃ​ത്തു​ക്കളും എപ്പോഴും നാട​ക​ത്തെ​ക്കു​റിച്ച് ചർച്ചയും സംവാ​ദവും നട​ നാട​ക​ര​ചനയിലും ഇപ്പോഴും സജീ​വ​മാ​ണ്. നിങ്ങൾക്കറിയാമോ സിനിമയല്ലാതെ മറ്റൊരു തൊഴിലുകൂടിയുണ്ട് എന്റെ കൈവശം. അല്ലെങ്കിലും സിനിമ മാത്രം എന്നൊരു ചിന്ത പണ്ട് തൊട്ടേ എനിക്കില്ല. സാമൂഹ്യകാര്യങ്ങളോട് ഇടപെട്ട് നിൽക്കാൻ ഇഷ്ടപ്പെടുന്നയാളാണ് ഞാൻ. എൽ​എൽ.ബി പൂർത്തി​യാക്കി എൻട്രോൾമെന്റ് ചെയ്ത​ത​ല്ലാതെ പ്രാക്ടീസ് ഇതു​വരെ തുട​ങ്ങി​യി​ട്ടില്ല. താത്പ​ര്യ​മി​ല്ലാ​ഞ്ഞി​ട്ടല്ല. ഞാൻ ഏറ്റ​വു​മ​ധികം ഇഷ്ട​പ്പെ​ടുന്ന ജോലിയും അതു​ത​ന്നെ​യാ​ണ്.

പക്ഷേ നിയ​മ​പ​ഠനം പൂർത്തി​യായ ഉടനെ ഒരു സ്വകാ​ര്യ​ബാ​ങ്കിൽ കേര​ള​ത്തിന്റെ ചുമ​തല വഹി​ക്കുന്ന ജോലി​യിൽ ചേർന്നു.​അഞ്ച് വർഷം അവിടെ ജോലി​ചെ​യ്തു.​അ​ക്കാ​ല​ത്താണ് സിനിമ​യിൽ നിന്ന് പൂർണ​മായും വിട്ടു​നി​ന്ന​ത്.ജോലി ചെയ്യു​മ്പോൾ സിനി​മ​യിലും മററും അഭി​ന​യി​ക്കു​ന്ന​തിന് വില​ക്കു​ണ്ടാ​യി​രു​ന്നു.​അ​തു​കൊ​ണ്ടാണ് അഭി​ന​യി​ക്കാ​തി​രു​ന്ന​ത്.​ പിന്നീട് ആ ജോലി ഉപേ​ക്ഷി​ച്ചു. എ​പ്പോഴും നല്ല സിനി​മ​യുടെ ഭാഗ​മാ​യി​രി​ക്കാ​നാണ് എനി​ക്കി​ഷ്ടം.​ വെക്കേഷൻ കാലത്ത് 'പ്രേരണ' എന്ന പേരിൽ ഞാൻ ഒരു ട്രെയ്‌നിംഗ് പ്രോഗ്രാം നട​ത്തു​ന്നു​ണ്ട്.വിദ്യാർത്ഥിക​ളു​ടെയും മറ്റും വ്യക്തി​ത്വ​വി​ക​സ​നം ലക്ഷ്യ​മി​ട്ടാണ് പ്രേരണ പ്രോഗ്രാ​മു​കൾ സംഘ​ടി​പ്പിക്കു​ന്ന​ത്.

​വി​ദ്യാർത്ഥി​കൾക്കു പുറമെ യുവതി യുവാ​ക്കൾക്കും പ്രത്യേക ക്ലാസ്സു​ണ്ട്.​വി​വിധ മേഖ​ല​കളിൽ പ്രശസ്തരായവരെ പങ്കാ​ളി​ക​ളാ​ക്കി​ക്കൊ​ണ്ടാണ് പ്രോഗ്രാ​മു​കൾ നട​ത്തു​ന്ന​ത്.എറ​ണാ​കുളം കേന്ദ്രീ​ക​രി​ച്ചു​ളള പ്രേര​ണ​യുടെ പ്രവർത്ത​ന​ങ്ങൾ വളരെ ഭംഗി​യായി നടന്നു വരി​ക​യാ​ണ്.സ്‌കൂളു​കൾ കേന്ദ്രീ​ക​രി​ച്ചാണ് കൂടു​തലും പരി​പാടി നട​ത്തു​ന്ന​ത്. ട്രെയ്‌നിംഗ് ക്ലാസു​ക​ളോട് എനിക്ക് വളരെ ഇഷ്ട​മാ​ണ്. അതു​കൊ​ണ്ടാണ് പ്രേരണ തുട​ങ്ങി​യ​ത്. കേര​ള​ത്തിൽ എവി​ടെ​യാ​ണെ​ങ്കിലും സ്‌കൂൾ കുട്ടി​കൾക്ക് ട്രെയ്‌നിംഗ് നൽകാൻ ഞാൻ തയ്യാ​റാ​ണ്.