ഷാരുഖ് ഖാനെ നായകനാക്കി ആറ്റ്ലി സംവിധാനം ചെയ്യുന്ന ജവാൻ 1000 കോടി ക്ലബ്ബില് ഇടംനേടി. റിലീസ് ചെയ്ത് 18ാം ദിവസമാണ് ജവാന്റെ മിന്നും നേട്ടം. ജവാൻ നിര്മാതാക്കളായ റെഡ് ചില്ലീസ് ആണ് ആയിരം കോടതിയില് കടന്ന വിവരം അറിയിച്ചത്. ആഗോളതലത്തില് 1004.92 കോടി രൂപയാണ് കളക്റ്റ് ചെയ്തത്. ഇതോടെ ഒരു അപൂര്വ നേട്ടവും കിങ് ഖാന്റെ പേരിലായി. ഒരേവര്ഷം രണ്ട് സിനിമകള് ആയിരം കോടിയില് എത്തിച്ച ആദ്യത്തെ നടനായിരിക്കുകയാണ് ഷാരുഖ് ഖാൻ. ജനുവരിയില് റിലീസ് ചെയ്ത പത്താനും 1000 കോടിയില് എത്തിയിരുന്നു.
ആയിരം കോടി ക്ലബ്ലില് ഇടം ആദ്യ തമിഴ് സംവിധായകനായി അറ്റ്ലിയും മാറി.18ാം ദിവസം ഇന്ത്യയില് നിന്ന് 15 കോടി രൂപയാണ് ചിത്രം നേടിയത്. ഇതോടെ ഇന്ത്യയില് നിന്നുള്ള കളക്ഷന് 560 കോടിക്ക് മുകളിലായി. കേരളത്തിലും തമിഴ്നാട്ടിലും ചിത്രത്തിന് മികച്ച പ്രതികരണമാണ് ലഭിച്ചത്. ഇതിനു മുമ്ബ് ഹിന്ദിയില് നിന്നും ആയിരം കോടി ക്ലബ്ബിലെത്തിയത് ആമിര് ഖാന്റെ ദംഗലും ഷാറുഖിന്റെ പഠാനുമാണ്. ഈ വര്ഷം ജനുവരിയില് റിലീസിനെത്തിയ പഠാൻ, 27 ദിവസം കൊണ്ടാണ് ആയിരം കോടിയിലെത്തിയത്.
.jpeg)
0 Comments