വിനായകൻ്റെ മികച്ച പ്രകടനം 'ജയിലറി'നെ വാനോളം പുകഴ്ത്തി മന്ത്രി വി ശിവന്‍കുട്ടി.

 

ബോക്‌സ് ഓഫീസില്‍ മികച്ച പ്രേക്ഷക പ്രതികരണം നേടി മുന്നേറുകയാണ് നെല്‍സണ്‍ ചിത്രം 'ജയിലര്‍'. ആവേശം കൊടുമ്ബിരി കൊള്ളുന്നതിനിടെ ചിത്രത്തെ പ്രശംസിച്ച്‌ വിദ്യാഭ്യാസ മന്ത്രി വി.ശിവൻകുട്ടി. കൊണ്ടാടപ്പെടേണ്ട ചിത്രമാണ് ജയിലര്‍ എന്ന് പറഞ്ഞ മന്ത്രി, ഇത് വിനായകന്റെ സിനിമ ആണെന്നും പറയുന്നു. ഫേസ്ബുക്കിലൂടെ ആയിരുന്നു മന്ത്രി സിനിമയെ പ്രശംസിച്ച്‌ രംഗത്തെത്തിയത്.

"ഈ ചിത്രത്തിന് നിരവധി മാനങ്ങള്‍ ഉണ്ട്..കൊണ്ടാടപ്പെടേണ്ട ഒന്ന്..വിനായകന്റെ സിനിമ..", എന്നാണ് വി ശിവൻകുട്ടി കുറിച്ചത്. ഒപ്പം ജയിലറില്‍ രജനികാന്തും വിനായകനും നേര്‍ക്കുനേര്‍ വരുന്നൊരു ഫോട്ടോയും അദ്ദേഹം പങ്കുവച്ചിട്ടുണ്ട്. നിരവധി പേരാണ് ഈ പോസ്റ്റിന് താഴെ കമന്റുകളുമായി രംഗത്തെത്തിയത്. വിനായകനെ പുകഴ്ത്തി കൊണ്ടുള്ളതാണ് ഭൂരിഭാഗം കമന്‍റും.