നെല്സന്റെ സംവിധാനത്തില് സൂപ്പര്സ്റ്റാര് രജനികാന്ത് നായകനായെത്തുന്ന 'ജയിലര്' ഓഗസ്റ്റ് 10ന് തീയേറ്ററുകളില് എത്തുമ്ബോള് വൻ പ്രതീക്ഷയിലാണ് സിനിമാ ലോകം.
ശ്രീ ഗോകുലം മൂവീസിന്റെ ബാനറില് ഗോകുലം ഗോപാലൻ കേരളത്തില് ചിത്രം വിതരണത്തിനെത്തിക്കും. ഡ്രീം ബിഗ് ഫിലിംസാണ് ചിത്രത്തിന്റെ ഡിസ്ട്രിബ്യുഷൻ പാര്ട്ണര്. ‘അണ്ണാത്തെ’ എന്ന ചിത്രത്തിന് ശേഷം 2 വര്ഷങ്ങള്ക്കിപ്പുറമാണ് രജനി ചിത്രം തീയേറ്ററുകളിലെത്തുന്നത്.
സണ് പിക്ചേഴ്സിന്റെ ബാനറില് കലാനിധി മാരൻ ആണ് ചിത്രം നിര്മിക്കുന്നത്.
ചിത്രത്തിലെ ഗാനം ‘ഹുക്കും’ രജനി ആരാധകര്ക്ക് അടിപൊളി ട്രീറ്റായി മാറുന്നു. രത്തമാരെ എന്ന ഗാനം കുടുംബ ബന്ധങ്ങള്ക്ക് കരുത്തേകുന്ന ഗാനമായി മാറുന്നു. ട്രെയിലര് നിമിഷനേരം കൊണ്ടാണ് വൈറലായി മാറിയത്.
അനിരുദ്ധ് ചിത്രത്തിന്റെ സംഗീത സംവിധാനം നിര്വഹിക്കുന്നു. സ്റ്റണ്ട് ശിവയാണ് ചിത്രത്തിന്റെ ആക്ഷൻ. വിജയ് കാര്ത്തിക് കണ്ണനാണ് ഛായാഗ്രാഹണം. ലോകമെമ്ബാടും ഇൻഡിപെൻഡൻസ് ദിന വീക്കെന്റിലാണ് ചിത്രം റിലീസിനെത്തുന്നത്. രമ്യ കൃഷ്ണന്, വിനായകന്, ശിവ്രാജ് കുമാര്, ജാക്കി ഷ്റോഫ്, സുനില് തുടങ്ങിയ വമ്ബൻ താരനിരയും ചിത്രത്തില് അണിനിരക്കുന്നുണ്ട്.
കേരളത്തില് ഗോകുലം മൂവീസ് തീയേറ്ററുകളിലേക്ക് ചിത്രം എത്തിക്കുമ്ബോള് 300ല് അധികം തീയേറ്ററുകളിലാണ് ജയിലര് ചാര്ട്ട് ചെയ്തിരിക്കുന്നത്. ആദ്യ ദിവസങ്ങളിലെ ബുക്കിങ്ങുകളില് വലിയ ആവേശമാണ് ആരാധകര് കാണിക്കുന്നത്.
.jpeg)
0 Comments