നടൻ മമ്മൂട്ടിയുടെ നേതൃത്വത്തില് പ്രവര്ത്തിക്കുന്ന ജീവകാരുണ്യ സംഘടനയായ കെയര് ആൻഡ് ഷെയര് ഇന്റര്നാഷണല് ഫൗണ്ടേഷന്റെയും കൈറ്റ്സ് ഇന്ത്യ ഫൗണ്ടേഷൻ, യുഎസ്ടി ഗ്ലോബലിന്റെയും സംയുക്തമായ പ്രവര്ത്തനത്തിലൂടെയാണ് അംഗപരിമിതരായ ആളുകള്ക്കുള്ള റോബോട്ടിക് /ഇലക്ട്രിക് വീല്ചെയര് വിതരണം ചെയ്തത്.
നിരവധി ജീവകാരുണ്യ പ്രവര്ത്തനങ്ങള് നടത്തുന്ന ഫൗണ്ടേഷന്റെ ഒടുവിലത്തെ പദ്ധതിയാണ് ഇലക്ട്രിക് വീല്ചെയറിന്റെ വിതരണം.
ഇലക്ട്രിക് വീല്ചെയര് കെയര് ആൻഡ് ഷെയറിന് നല്കുന്നത് ലോകത്തിലെ തന്നെ ഏറ്റവും വലിയ ഐ. റ്റി കമ്ബനികളില് ഒന്നായ യുഎസ്ടി ഗ്ലോബല് ആണ്. ചടങ്ങില് കെയര് ആൻഡ് ഷെയര് ഇന്റര്നാഷണല് ഫൗണ്ടേഷൻ മാനേജിംഗ് ഡയറക്ടര് ഫാ. തോമസ് കുര്യൻ മരോട്ടിപ്പുഴ അധ്യക്ഷത വഹിച്ചു. വിദ്യാഭ്യാസം, ലഹരി വിരുദ്ധ ബോധവല്ക്കരണ പ്രവര്ത്തനങ്ങള്, സാമ്ബത്തികമായി പിന്നോക്കം നില്ക്കുന്ന ആളുകള്ക്ക് ചികിത്സ സഹായം, ആദിവാസികള്ക്കായുള്ള വിവിധ ക്ഷേമപ്രവര്ത്തനങ്ങള്,എന്നീ രംഗത്ത് നിരവധി പ്രവര്ത്തനങ്ങളാണ് മമ്മൂട്ടിയുടെ നേതൃത്വത്തില് ഫൗണ്ടേഷൻ നടത്തി വരുന്നതെന്ന് മാനേജിംഗ് ഡയറക്ടര് ഫാ തോമസ് കുര്യൻ മരോട്ടിപ്പുഴ പറഞ്ഞു. ഇത്തരം ജീവകാരുണ്യ പ്രവര്ത്തനങ്ങള് വളരെ കൃത്യതയോടെ മമ്മൂട്ടിയുടെ നേതൃത്വത്തില് ജനങ്ങളിലേക്ക് എത്തിക്കാൻ സാധിച്ചിട്ടുണ്ടെന്നും അദ്ദേഹം പറഞ്ഞു. കെയര് ആൻഡ് ഷെയര് ഇന്റര്നാഷണല് ഫൗണ്ടേഷൻ പ്രൊജക്റ്റ് ഡയറക്ടര് ജോര്ജ് സെബാസ്റ്റ്യൻ,നിര്മ്മാതാവ് ആന്റോ ജോസഫ് പ്രോജക്ട് ഓഫീസര് അജ്മല് ചക്കര പാടം, എന്നിവരും ചടങ്ങില് പങ്കെടുത്തു.
.jpeg)
0 Comments