കേരള സംസ്ഥാന ചലച്ചിത്ര വികസന കോര്പറേഷന്റെ ചിത്രാജ്ഞലി സ്റ്റുഡിയോ പാക്കേജ് പദ്ധതി പ്രവാസികളായ ചലച്ചിത്ര പ്രവര്ത്തകര്ക്കും കലാകാരന്മാര്ക്കും പ്രയോജനപ്പെടുത്താം.നടനും എഴുത്തുകാരനും നിര്മ്മാതാവും സംവിധായകനും ലോക റെക്കോര്ഡ് ജേതാവും വേൾഡ് മദർ വിഷൻ കാങ്ഗരു വിഷൻ ഡയറക്ടറുമായ ജോയ് കെ.മാത്യു പ്രവാസികാര്യ വകുപ്പ് മന്ത്രി കൂടിയായ സംസ്ഥാന മുഖ്യ മന്ത്രി പിണറായി വിജയനും സാംസ്കാരിക വകുപ്പ് മന്ത്രി സജി ചെറിയാനും ജല വിഭവ വകുപ്പ് മന്ത്രി റോഷി അഗസ്റ്റിനും ആലപ്പുഴ എം.പി.അഡ്വ.എ.എം.ആരിഫിനും നോര്ക്ക റൂട്ട്സ് ഡയറക്ടര്ക്കും നേരിട്ട് സമര്പ്പിച്ച നിവേദനത്തിന് സര്ക്കാര് നല്കിയ മറുപടി കത്തിലാണ് അപേക്ഷ പരിഗണിച്ചു കൊണ്ടുള്ള പുതിയ ഉത്തരവിറക്കിയ കാര്യം വിശദമാക്കിയിരിക്കുന്നത്. പ്രവാസി മലയാളികളായ ചലച്ചിത്ര പ്രവര്ത്തകർക്കും ലക്ഷക്കണക്കിന് വരുന്ന കലാകാരന്മാർക്കും സംസ്ഥാന സര്ക്കാരിന്റെ ഈ തീരുമാനം ഏറെ ആശ്വാസമേകുമെന്നും താൻ പ്രവാസി കലാകാരന്മാർക്കായി നിവേദനത്തിൽ ആവശ്യപ്പെട്ടതെല്ലാം സർക്കാർ പരിഹരിച്ചുവെന്നും ജോയ് കെ.മാത്യു അഭിപ്രായപ്പെട്ടു.
പ്രവാസത്തിലെ പരിമിതികള്ക്കുള്ളില് നിന്ന് നിര്മ്മിക്കുന്ന ചിത്രങ്ങള് പോലും പ്രേക്ഷകര്ക്ക് മുന്പിലേയ്ക്ക് എത്തിക്കുന്നതിലും വലിയ വെല്ലുവിളികളാണ് നേരിടുന്നത്. ഈ സാഹചര്യത്തിലാണ് പ്രവാസി മലയാളികളുടെ ഉന്നമനത്തിനും ക്ഷേമത്തിനുമായി പ്രവര്ത്തിക്കുന്ന നോര്ക്ക റൂട്ട്സും സംസ്ഥാന സര്ക്കാരും കേരളത്തിന് പുറത്തും വിദേശരാജ്യങ്ങളിലെ പ്രവാസി മലയാളികള്ക്കിടയിലെ കലാകാരന്മാര്ക്ക് ആവശ്യമായ പിന്തുണ ഉറപ്പാക്കേണ്ടത് അനിവാര്യമാണെന്ന് ചൂണ്ടിക്കാട്ടി ജോയ് കെ.മാത്യു നിവേദനം സമര്പ്പിച്ചത്.
.jpeg)
0 Comments