മാജിക് ഫ്രയിംസിന്റെ ഡിജോ-നിവിൻപോളി ചിത്രത്തിൽ വിജയ് കുമാർ.

 

ജനഗണമന ചിത്രത്തിന് ശേഷം ഷാരിസ് മുഹമ്മദിന്റെ തിരക്കഥയിൽ ഡിജോ സംവിധാനം ചെയുന്ന പേരിടാത്ത ചിത്രത്തിൽ വിജയ് കുമാർ ഒരു മുഖ്യവേഷത്തിൽ എത്തുന്നു. നിവിൻപോളി ചിത്രത്തിൽ ഇതാദ്യമായിട്ടാണ് വിജയ് കുമാർ അഭിനയിക്കുന്നത്. വിജയ്കുമാറിനെ കൂടാതെ ധ്യാൻ ശ്രീനിവാസൻ,അനശ്വര രാജൻ, മഞ്ജുപിള്ള, സലീംകുമാർ, രഞ്ജീപണിക്കർ തുടങ്ങിയ നീണ്ട താര നിര തന്നെ ഈ ചിത്രത്തിൽ അണിനിരക്കുന്നു.

 മാജിക് ഫ്രയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമിക്കുന്ന ഈ ചിത്രത്തിന്റെ നാല്പതു ദിവസത്തെ ഷെഡ്യൂൾ ദുബായിൽ തീർത്ത ശേഷമാണ് ചിത്രീകരണം പൂർത്തിയാകാൻ സംവിധായകനും കൂട്ടരും പാലക്കാടിന് അടുത്തുള്ള കൊല്ലംങ്കോട് എന്ന പ്രദേശത്തു എത്തിയത്. സമകാലിക രാഷ്ട്രിയം തമാശ രൂപത്തിൽ അവതരിപ്പിക്കുവാനാണ് ശ്രമിക്കുന്നത് എന്ന് ചിത്രത്തിന്റെ തിരക്കഥാകൃത്ത് ഷാരിസ് മുഹമ്മദ്‌ പറയുകയുണ്ടായി. "ജനഗണമന" എന്ന ചിത്രം വൻ വിജയമാക്കിയ പ്രേക്ഷകർക് ഒട്ടും നിരാശപെടുത്താത്ത രീതിയിലാണ് ചിത്രം അണിയിച്ചൊരുക്കുന്നത് എന്നാണ് അണിയറ പ്രവർത്തകർ അവകാശപ്പെടുന്നത്.