പുതിയ ചിത്രങ്ങള് എത്തുന്നതിനാല് ഈ ആഴ്ച അവസാനത്തോടെ തിയറ്ററുകളില്നിന്ന് പുറത്താകും. 600 കോടിയോളം രൂപ മുടക്കി ഒരുക്കിയ സിനിമക്ക് ഇതുവരെ 450 കോടിയോളം മാത്രമാണ് തിരിച്ചുപിടിക്കാനായത്.
രാമായണ കഥ ആസ്പദമാക്കി ഒരുക്കിയ ചിത്രം ജൂണ് 16നാണ് റിലീസ് ചെയ്തത്. ആദ്യ ആഴ്ച മികച്ച കളക്ഷൻ നേടിയ ചിത്രം കഥാപാത്രങ്ങളുടെ അവതരണത്തിന്റെയും നിലവാരം കുറഞ്ഞ വി.എഫ്.എക്സിന്റെയും സംഭാഷണങ്ങളുടെയും പേരില് ഏറെ വിമര്ശനങ്ങള് ഏറ്റുവാങ്ങുകയും രണ്ടാം ആഴ്ച കലക്ഷൻ കുത്തനെ ഇടിയുകയും ചെയ്തിരുന്നു. മൂന്നാം ആഴ്ചയിലേക്ക് കടന്നപ്പോള് അരക്കോടിയില് താഴെയാണ് തിയറ്റര് കലക്ഷൻ. തിയറ്ററുകളിലേക്ക് ആളുകളെ ആകര്ഷിക്കാൻ ജൂണ് 22, 23 തിയതികളില് ടിക്കറ്റ് നിരക്ക് 150 രൂപയായി കുറച്ചും പരീക്ഷണം നടത്തിയെങ്കിലും വിജയിച്ചില്ല.
ഓം റൗത്ത് സംവിധാനം ചെയ്ത ഫാന്റസി ആക്ഷൻ ജോണറില് പെടുന്ന ഈ ചിത്രത്തില് നായകവേഷം ചെയ്യുന്നത് പ്രഭാസാണ്. കൃതി സാനോണ്, സെയ്ഫ് അലി ഖാൻ എന്നിവരാണ് മറ്റു പ്രധാന വേഷങ്ങളില് എത്തിയത്.
.jpeg)
0 Comments