രാജൻ പീരുമേടിൻ്റെ ''മനസ്സേ പാടു''

മനസ്സേ പാടൂ                  

ചാരുസന്ധ്യേ നിൻ കുങ്കുമചെപ്പിൽ -

നിന്നൊരു നുള്ളു കുങ്കുമം കടം തരുമോ

ചാഞ്ചാടിയാടുമീ തളിർ വല്ലിയിൽ പൂക്കും

പനിനീർ മലരൊന്നു കടം തരുമോ

                   (ചാരുസന്ധ്യേ,,,,)

നാടോടിപ്പാട്ടുകൾ പാടി വരുന്നോരു

കുഞ്ഞിക്കാറ്റേ നീയിതിലേ പോരൂ

മനസ്സിലെ മാണിക്യ വീണതന്ത്രിയിൽ

മതിമറന്നൊരു രാഗ ശ്രുതി പകരൂ

                         (ചാരുസന്ധ്യേ )

പകലിന്റെ പരിദേവനങ്ങളീ സന്ധ്യയിൽ

വീശുമീകാറ്റിലലിഞ്ഞു ചേർന്നൂ

പൂർണ്ണേന്ദു ശോഭയെ പുൽകുന്ന വേളയിൽ

മനസ്സേ തരളിത ഗാനം പാടൂ          

       രാജൻ പീരുമേട്