അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയെ സാമൂഹിക മാധ്യമത്തിലൂടെ അധിക്ഷേപിച്ച നടൻ വിനായകനെതിരെ പൊലീസ് കേസെടുത്തു. യൂത്ത് കോണ്ഗ്രസ് പ്രവര്ത്തകരുടെ പരാതിയിലാണ് നടപടി: ഉമ്മൻചാണ്ടിയെ അധിക്ഷേപിച്ച് സാമൂഹിക മാധ്യമങ്ങളില് വീഡിയോ പ്രചരിപ്പിച്ചെന്നു യൂത്ത് കോണ്ഗ്രസ് പ്രവര്ത്തകൻ സോണി പനന്താനം കൊച്ചി എസിപിക്ക് നല്കിയ പരാതിയില് പറയുന്നു. വിനായകനെതിരെ എറണാകുളം ഡിസിസി ജനറല് സെക്രട്ടറി അജിത്ത് അമീര് ബാവയും യൂത്ത് കോണ്ഗ്രസ് ജില്ലാ ജനറല് സെക്രട്ടറിയായ സതീഷും പരാതി നല്കിയിട്ടുണ്ട്. വിനായകൻ സിനിമ മേഖലയിലെ ലഹരിമാഫിയയുടെ തലവനാണെന്നാണ് കൊച്ചി അസിസ്റ്റന്റ് പൊലീസ് കമ്മീഷണര്ക്ക് അജിത്ത് അമീര് ബാവ നല്കിയ പരാതിയില് ആരോപിക്കുന്നത്. വിനായകന്റെ ലഹരി - മാഫിയ ബന്ധങ്ങള് അന്വേഷിക്കണമെന്നും പരാതിയില് പറയുന്നു.
.jpeg)
0 Comments